|
|
|
|
Text Name | kādambarī |
Transcribed by | students of the Institute of Indian Studies, Faculty of Arts, Charles University, Prague. |
Proofread by | students of the Institute of Indian Studies, Faculty of Arts, Charles University, Prague. |
Notes | ... |
|
|
kad pb1.290 | kadācinmakaraketukatakanārācaparamparābhiriva kāminīkarapuṭavinirgatābhiḥ kuṅkumajaladhārābhiḥ piñjarīkriyamāṇakāyo lākṣājalacchaṭāprahārapāṭalīkṛtadukūlo mṛgamadajalabinduśabalacandanasthāsakaḥ kanakaśṛṅgakoṣaiściraṃ cikrīḍa / | kad pb1.291 | kadācit kucacandanacūrṇadhavalitārmmimālam, caṭulatulākoṭivācālacaraṇālaktakasiktahaṃsamithunam, alakanipatitakusumanikaraśāram, plavamānakarṇapūrakuvalayadalam, unnatanitambasaṃkṣobhajarjaritataraṅgam, uddalitanālaparyyastanalinanipatitadhūlipaṭalam, anavaratakarāsphālanasphuratphenabinducandrakitam, sāvarodhajano jalakrīḍayā gṛhadīrghikāṇāmambhaścakāra / | kad pb1.292 | kadācit saṅketavañcitābhiḥ praṇayinībhirābaddhabhaṅgurabhrūkuṭibhirāraṇitamaṇipārihāryyamukharabhujalatābhirbakulakusumāvalībhiḥ saṃyatacaraṇa nakhakiraṇavimiśraiḥ kusumadāmabhiḥ kṛtāparādho divasamatāḍyata / |
|
|
|
|