|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1094 | kiñcāsya madanāturasyeva vapustāpācchuṣkacandanānulepapāṇḍutāṃ vahati, mṛṇālavalayadhavalān dhatte, karān pratimāvyājena sphaṭikamaṇikuṭṭimeṣu nipatati, ketakīgarbhakesara dhūsarapādaḥ kumudasarāṃsyavagāhate, salilaśīkarārdrān śaśimaṇīn karairāmṛśati, dveṣṭi vighaṭitacakravākamithunāni kamalavanāni' / | | kad pb1.1095 | etaiścānyaiśca tatkālocitairālāpaistayā saha tamuddeśamabhyupāgamam / | | kad pb1.1096 | tatra ca mārgalatākusumarajodhūsaraṃ caraṇayugalaṃ kailāsataṭāccandrodayaprasrutacandrakāntamaṇiprasravaṇe prakṣālayantī, yasmin pradeśe sa āste tasminneva cāsya sarasaḥ paścime taṭe puruṣasyeva ruditadhvani viprakarṣānnātivyaktamupālakṣāyam / |
|
| |
|
| |
