| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1097 | dakṣiṇekṣaṇasphuraṇena ca prathamameva manasyāhitaśaṅkā, tenasutarāmavadīṇahṛdayeva kimapyaniṣṭamantaḥkathayateva viṣāṇṇenāntarātmanā 'taralike! kimidam' iti sabhayamabhidadhānā vepamānagātrayaṣṭistadabhimukham atitvaritamagaccham / | | kad pb1.1098 | atha niśīyaprabhāvād dūrādeva vibhāvyamānasvaramunmuktārttanādam ?? 'hā hato'smi, hā dagdho'smi, hā vañcito'smi, hā kimidamāpatitam, kivṛttam, utsanno'smi, / | | kad pb1.1099 | durātman! madanapiśāca! pāpa! nirghṛṇa! kimidamakṛtyamanuṣṭhitam? āḥ pāpe! duṣkṛtakāriṇi! durvinīte! mahāśvete! kimanena te'pakṛtam? āḥ pāpa! duścarita! candra! cāṇḍāla! kṛtārtho'si? idānīmapagatadākṣiṇya! dakṣiṇānilahataka! pūrṇāste manorathāḥ kṛtaṃ yat karttavyam? vahedānīṃ yatheṣṭam, hā bhagavan! śvetaketo! putravatsala na vetsi muṣitamātmānam, hā dharmma! niṣparigraho'si, hā tapaḥ! nirāśrayamasi, hā sarasvati! vidhavāsi, hā satya! anāthamasi, hā suraloka! śūnyo'si; sakhe! pratipālaya mām, ahamapi bhavantamanuyāsyāmi, na śaknomi bhavantaṃ vinā kṣaṇamapyavasthātumekākī / |
|
