| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1251 | kuṅkumānulepanam, ālāpā eva tantrīninādāḥ, bhujalatā eva campakamālāḥ, karatalānyeva līlākamalāni, stanā eva darpaṇāḥ, nijadehaprabhaivāṃśukāvaguṃṭhanam, jananasthalānyeva vilāsamaṇiśilātalāni komalāṅgulirāga eva caraṇālaktakarasaḥ, nakhamaṇimarīcaya eva kuṭṭimopahārakusumaprakarāḥ / | | kad pb1.1252 | yatra cālaktakaraso'pi caraṇātibhāraḥ, bakulamālikāmekhalākalanamapi gamanavidhnakaram, aṅgarāgagauravamapyadhikaśvāsanimittam, aṃśukabhāro'pi glānikāraṇam, maṅgalaprati saravalayavidhṛtirapi karatalavidhuti hetuḥ, avataṃsakusumadhāraṇamapi śramaḥ, karṇapūrakamalamadhukarapakṣapavano'pyāyāsakaraḥ / | | kad pb1.1253 | tathā ca yatra sakhīdarśaneṣvakṛtahastāvalambanamutthānamatisāhasam, prasādhaneṣu hārabhārasahiṣṇutā stanakārkaśyaprabhāvaḥ, kusumāvacayeṣu dvitīyakusumagrahaṇamapyayuvatijanocitam, kanyakāvijñāneṣu mālyagrathanam asukumārajanavyāpāraḥ, devatāpraṇāmeṣu madhyabhāgabhaṅgo nātivismayakaraḥ / |
|
