|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1609 | tadā ca tasyāḥ sakāśādaśikṣateva lajjāpi lajjālīlām, vinayo'pi vinayātiśayam, mugdhatāpi mugdhatām, vaidagdhyamapi vaidagdhyam, bhayamapi bhīrutām, vibhramo'pi vibhramitām, viṣādo'pi viṣāditām, vilāso'pi vilāsam / | | kad pb1.1610 | tathābhūtā ca 'devi! kimidam' iti vijñāpitā mayā pramṛjya lohitāyamānodare locane duḥkhaprakarṣeṇātmanaḥ samudbandhanāyeva mṛṇālakomalayā bāhulatayā bedikākusumapālikāgrathitakusumamālāmavalambya samunnataikabhralatā mṛtyumārgam ivāvalokayantī dīrghamuṣṇañca niśvasitavatī / | | kad pb1.1611 | tadduḥkhamutprekṣamāṇayā ca kathanāya punaḥ punaranubadhyamānā mayā vrīḍayā nakhamukhavilikhitaketakīdalā likhitveva vaktavyamarpayantī vivakṣāsphuritādharā niśvāsamadhukarānivopāṃśu sandiśantī kṣititalanihitaniścalanayanā suciramatiṣṭhat / |
|
| |
|
| |
