| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad ub1.1048 | deva, yadyantarā kaścidantarāyo na bhavati vilambakārī tadā vinā sandehena parāpatatyevamavagacchati me hṛdayam' / | | kad ub1.1049 | ityuktavati meghanāde ghanasamayavardhitābhogamakaradhvajārṇavamadhyapātinīṃ svānumānātkādambarīmutprekṣyotpretya viklavībhavataḥ paryāvartanta ivāsya jaladharāḥ kālapuruṣaiḥ, taḍito madanānalaśikhābhiḥ, avasphūrjitaṃ pretapatipaṭahasvanena, āsāradhārāḥ smareṣubhiḥ, āmandragarjitaṃ makaradhvajadhanurjyāguñjitābhogena, kalāpikekāḥ kāladūtālāpaiḥ, ketakāmodo viṣapari malena, khadyotāḥ pralayānalasphuliṅgarāśibhiḥ, alivalayāni kālapāśaiḥ, balākāśreṇayaḥ pretapatipatākābhiḥ, āpagāḥ sarvakṣayamahāpūraplavaiḥ, durdināni kālarātryā, kuṭajataravaḥ kṛtāntahāsaiḥ / | | kad ub1.1050 | api ca śarīrepi sattvaṃ kātaratayā, balaṃ kṣāmatayā, kāntirvaivarṇyena, matirmohena, dhairyaṃ viṣādena, hasitaṃ śucā, nayanamaśruṇā, ālapanaṃ maunena, aṅgānyasahatayā, karaṇanyapāṭavena sarvamevāratyā / |
|
