| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.711 | kiṃvā teṣāṃ sāmpratam, yeṣāmatinṛśaṃsaprāyopadeśanirghṛṇaṃ kauṭilyaśāstraṃ pramāṇam, abhicārakriyākraraikaprakṛtayaḥ purodhaso guravaḥ, parābhisandhānaparāmantriṇa upadeṣṭāraḥ, narapatisahasrabhuktojjhitāyāṃ lakṣbhyāmāsaktiḥ, māraṇātmakeṣu śāstreṣu abhiyogaḥ, sahajapremārdrahṛdayānuraktā bhrātara ucchedyāḥ / | | kad pb1.712 | tadevaṃprāyātikuṭilakaṣṭaceṣṭāsahasradāruṇe rājyatantre, asmin mahāmohāndhakāriṇi ca yauvane, kumāra! tathā prayatethāḥ yathā nopahasyase janaiḥ, na nindyase sādhubhiḥ, na dhik kriyase gurubhiḥ, nopālabhyase suhṛdbhiḥ, na śocyase vidvadbhiḥ / | | kad pb1.713 | yathā ca na prakāśyase viṭaiḥ, na prahasyase kuśalaiḥ, nāsvādyase bhujaṅgaiḥ, nāvalupyase sevakavṛkaiḥ, na vañcyase dhūrttaiḥ, na pralobhyase vanitābhiḥ, na viḍambyase lakṣmyā, na nartyase madena, nonmattīkriyase madanena, nākṣipyase viṣayaiḥ, nāvakṛṣyase rāgeṇa, nāpahniyase sukhena / |
|
