|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1594 | tataḥ katipayadivasāpagame meghanādaḥ patralekhāmādāyāgacchat, upānayaccainām / | | kad pb1.1595 | kṛtanamaskārāñca dūrādeva smitena prakāśitaprītiścandrāpīḍaḥ prakṛtivallabhāmapi kādambarīsakāśāt prasādalabdhāparasaubhāgyāmiva vallabhataratāmupāgatāmutthāyātiśayadarśitādaramāliliṅga patralekhām, meghanādañca praṇataṃ pṛṣṭe karakisalayena pasparśa / | | kad pb1.1596 | samupaviṣṭaśca abravīt ?? 'patralekhe! kathaya, tatrabhavatyā mahāśvetāyāḥ samadalekhāyā devyāḥ kādambaryāśca kuśalī vā sakalaḥ tamālikākeyūrakādiparijanaḥ?' iti / |
|
| |
|
| |
