|
| |
|
| |
| Text Name | daśakumāracaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| dkc pp5.44 | mātaramanugacchantyavantisundarī rājahaṃsakulatilaka vihāravāñchayā kelīvane madantikamāgataṃ bhavantamakāṇḍa eva visṛjya mayā samucitamiti jananyanugamanaṃ kriyate tadanena bhavanmanonurāgonyathā mābhūditi marālamiva kumāramuddiśya samucitālāpakalāpaṃ vadantī punaḥ punaḥ parivṛttadīnanayanā vadanaṃ vilokayantī nijamandiramagāt / | | dkc pp5.45 | tatra hṛdayavallabhakathāprasaṅge bālacandrikākathitatadanvayanāmadheyā manmathabāṇapatanavyākulamānasā virahavedanayā bahulapakṣaśaśikaleva kṣāmakṣāmāhārādisakalavyāpāraṃ parihṛtya rahasyamandire malayajarasakṣālitapallavakusumakalpitatalpatalāyattatanulatā babhūva / | | dkc pp5.46 | tatra tathāvidhāvasthāmanubhavantīṃ manmathānalasaṃtaptāṃ sukumārīṃ kumārīṃ nirīkṣya khinno vayasyāgaṇaḥ kāñcanakalaśasaṃcitāni haricandanośīraghanasāramilitāni tadabhiṣekakalpitāni salilāni bisatantumayāni vāsāṃsi ca nalinīdalamayāni tālavṛntāni ca saṃtāpaharaṇāni bahūni saṃpādya tasyāḥ śarīramaśiśirayat / |
|
| |
|
| |
