| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.967 | avijñātamadanavṛttāntā ca kva gacchāmi, kiṃ karomi, ki paśyāmi, kimālapāmi, kasya kathayāmi, ko'sya pratīkāra iti sarvañca nājñāsiṣam / | | kad pb1.968 | kevalamāruhya kumārīpuraprāsādaṃ visarjya ca sakhījanaṃ dvāri nivāritāśeṣaparijanapraveśā sarvavyāpārānutsṛjyaikākinī maṇijālagavākṣanikṣiptamukhī, tāmeva diśaṃ tatsanāthatayā prasādhitāmiva kusumitāmiva mahāratnanidhānādhiṣṭhitāmiva amṛtarasasāgarapūraplāvitāmiva pūrṇacandrodayālaṅkṛtāmiva darśanasubhagāmīkṣamāṇā, tasmāddigantarādāgacchantamanilamapi vanakusumaparimalamapi śakunidhvanimapi tadvārttāṃ praṣṭumīhamānā, tadvallabhatayā tapaḥkleśāyāpi spṛhayantī, tatprītyeva gṛhītamaunavratā, smarajanitapakṣapātā ca, tatparigrahānmuniveśasya agrāmyatāṃ tadāspadatayā yauvanasya cārutāṃ tacchṛvaṇasamparkāta pārijātakusumasya manāharatāṃ tannivāsāt suralokasya ramyatāṃ tadrūpasampadā kusumāyudhasya durjayatām adhyāropayantī dūrasthasyāpi kamalinīva savituḥ sāgareveleva candramasaḥ mayūrīva jaladharasya tasyaivābhimukhī, tathaiva tāṃ tadvirahāturajīvitodgamarakṣāvalīmivākṣāvalīṃ kaṇṭhenodvahantī, tathaiva ca tayā prastutatadrahasyālāpayeva karṇalagnayā pārijātamañjaryyā, tathaiva ca tena tatkaratalasparśasukhajanmanā kadambamukulakarṇapūrāyamāṇena romāñcajālena kaṇṭakitaikakapolaphalakā niṣpandamatiṣṭham / | | kad pb1.969 | atha tāmbūlakaraṅkavāhinī madīyā taralikā nāma mayaiva saha gatā snātumāsīta / |
|
