|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1031 | tadā śāstropadeśaviśadaiḥ sanidarśanaiḥ setihāsaiśca vacobhiḥ sānunayaṃ sopagrahañcābhidhīyamāno'pi nākarot karṇe, tadāhamacintayam ?? 'atibhūmimayaṃ gato na śakyate nivarttayitumiti idānīṃ nirarthakāḥ khalūpadeśāḥ, tatprāṇaparirakṣaṇe'pi tāvadasya yatnamācarāmi' iti kṛtamatirutthāya gatvā tasmāt sarasaḥ sarasā mṛṇālikāḥ samuddhṛtya, kamalinīpalāśāni jalalavalāñchitānyādāya, garbhadhūlikaṣāyaparimalamanoharāṇi ca kumudakuvalayakamalāni gṛhītvāgatya tasminneva latā gṛhaśilātale śayanamasyākalpayam / | | kad pb1.1032 | tatra ca sukhaniṣaṇṇasya pratyāsannavarttināṃ candanaviṭapināṃ mṛdūni kisalayāni niṣpīḍya tena svabhāvasurabhiṇā tuṣāraśiśireṇa rasena lalāṭikāmakalpayam, ācaraṇādaṅgacarccāñcāracayam / | | kad pb1.1033 | abhyarṇapādapasphuṭitavalkalavivaraśīrṇena ca karasañcūrṇitena karpūrareṇunā svedapratīkāram akaravam / |
|
| |
|
| |
