|
| |
|
| |
| Text Name | daśakumāracaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| dkc pp1.4 | tatra vīrabhaṭapaṭalottaraṃgaturaṃgakuñjaramakarabhīṣaṇasakalaripugaṇakaṭakajalanidhimathanamandarāyamāṇasamuddaṇḍabhujadaṇḍaḥ puraṃdarapurāṅgaṇavanaviharaṇaparāyaṇagīrvāṇataruṇagaṇikāgaṇajegīyamānayātimānayā śaradindukundaghanasāranīhārahāramṛṇālamarālasuragajanīrakṣīragiriśāṭṭahāsakailāsakāśavīkāśamūrtyā racitadigantarālapūrtyā kīrtyābhitaḥ surabhitaḥ svarlokaśikharoruruciraratnaratnākaravelāmekhalāvalayitadharaṇīramaṇīsaubhāgyabhogabhāgyavānanavaratayāgadakṣiṇārakṣitaśiṣṭaviśiṣṭavidyāsaṃbhārabhāsurabhūsuranikaro viracitārātisaṃtāpena pratāpena satatatulitaviyanmadhyahaṃso rājahaṃso nāma ghanadarpakandarpasaundaryasodaryahṛdyaniravadyarūpo bhūpo babhūva / | | dkc pp1.5 | tasya vasumatī nāma vasumatīva līlāvatīkulaśekharamaṇī ramaṇī babhūva / | | dkc pp1.6 | roṣaṇekṣaṇena niṭilekṣaṇena bhasmīkṛtacetane makaraketane tadā bhayenānavadyā vaniteti matvā tasyā rolambāvalī keśajālaṃ premākaro rajanīkaro vijitāravindaṃ vadanaṃ jayadhvajāyamāno mīno jāyāyutokṣiyugalaṃ sakalasainikāṅgavīro malayasamīro niḥśvāsaḥ pathikahṛddalanakaravālaḥ pravālaścādharabimbaṃ jayaśaṅkho bandhurā lāvaṇyadharā kandharā pūrṇakumbhau cakravākānukārau payodharau jyāyamāne mārdavāsamāne bisalate ca bāhū īṣatphullalīlāvataṃsakahlārakorako gaṅgāvartasanābhirnābhirdūrīkṛtayogimanoratho jaitrarathotighanaṃ jaghanaṃ jayastambhabhūte saundaryabhūte vighnitayatijanārambhe rambhe coruyugamātapatrasahasrapattraṃ pādadvayamastrabhūtāni prasūnāni tānītarāṇyaṅgāni ca samabhūvanniva / |
|
| |
|
| |
