|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.818 | śrutvā ca 'kuto'tra vigatamarttyasampāte pradeśe gītadhvaneḥ sambhūtiḥ' iti samupajātakautukaḥ kamalinīdalasrastarāt utthāya tāmeva gītasampātasūcitāṃ diśaṃ cakṣuḥ prāhiṇot / | | kad pb1.819 | atidavīyastayā tu tasya pradeśasya prayatnavyāpṛtalocano'pi vilokayanna kiñciddadarśa, tameva kevalamanavarataṃ gītaśabdaṃ śuśrāva / | | kad pb1.820 | kūtūhalavaśācca gītadhvaniprabhavajijñāsayā kṛtagamanabuddhirdattaparyyāṇamindrāyudhamāruhya priyagītaiḥ prathamaprasthitairaprāthitairapi vanahariṇairupadiśyamānavartmā, saptacchadavakulailālavaṅgalavalīlolakusumasurabhiparimalayā alikulavirutimukharitayā tamālanīlaṃ yā diṅnāgamadavīthyeva paścimayā sarastīravanalekhayā nimittīkṛtya taṃ gītadhvanimabhipratasthe / |
|
| |
|
| |
