|
| |
|
| |
| Text Name | uttararāmacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| urc 1.11 | eṣo'smi kavivaśādāyodhyakastadānīṃtanaśca saṃvṛttaḥ / | | urc 1.12 | (samantādavalokya /) bho bhoḥ, yadā tāvadatrabhavataḥ paulastyakuladhūmaketormahārājarāmasyāyaṃ paṭṭābhiṣekasamayo rātriṃdivamasaṃhṛtanāndīkaḥ, tatkimidānīṃ viśrāntacāracaraṇāni catvarasthānāni / | | urc 1.13 | (praviśya /) naṭaḥ - bhāva, preṣitā hi svagṛhānmahārājena laṅkāsamarasuhṛdo mahātmānaḥ plavaṅgamarākṣasāḥ sabhājanopasthāyinaśca nānādigantapāvanā brahmarṣayo rājarṣayaśca, yatsamārādhanāyaitāvato divasānpramoda āsīt / |
|
| |
|
| |
