| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.736 | dhavalānyapi vividhamaṇinikarakalmāṣairutsarpibhiścūḍāmaṇimarīcibhirmāyūrāṇīvārājanta rājñāmātapatrāṇi / | | kad pb1.737 | kṣaṇena ca turagamayamiva mahītalam, kuñjaramayamiva dikcakrabālam, ātapatramaṇḍalamayamivāntarikṣam, dhvajavanamayamivāmbaratalam, ibhamadagandhamaya iva samīraṇaḥ, bhūpālamayīva prajāsṛṣṭiḥ, ābharaṇāṃśumayīva dṛṣṭiḥ, kirīṭamaya ivātapaḥ, cāmaramaya iva divasaḥ, jayaśabdamayamiva tribhuvanamabhavat / | | kad pb1.738 | sarvataśca kulaparvatākāraiḥ pracaladbhirmattavāraṇaiḥ utpātacandramaṇḍalanibhaiśca preṅkhadbhirātapatraiḥ saṃvarttakāmbhodagambhīrabhīmanādena ca dhvanatā dundubhinā, tārakāvarṣasadṛśena visarpatā gajaśīkaranikareṇa, dhūmaketudhūsaraiścollasadbhiravanirajodaṇḍakaiḥ, nirghātapātaparuṣagambhīraghoṣaiśca karikaṇṭhagarjitaiḥ, kṣatajakaṇavarṣababhruṇā ca bhramatā mateṅgajakumbhasindūrareṇunā, saṃkṣubhitajaladhijalakallolacañcalābhiśca visarpantībhiḥ turaṅgamālābhiḥ, andhakāritadigantareṇa cānavarataṃ kṣaratā gajamadajaladhārādurdinena, kalakalena ca bhuvanāntarabyāpinā mahāpralayakāla iva sañjañje / |
|
