|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.834 | evamuktastu tayā sammāṣaṇamātreṇaivānugṛhītamātmānaṃ manyamāna utthāya bhaktyā kṛtapraṇāmo 'bhagavati! yathājñāpayasi' ityabhidhāya darśitavinayaḥ śiṣya iva tāṃ vrajantīmanuvavrāja / | | kad pb1.835 | vrajaṃśca samarthayāmāsa'hanta! tāvanneyaṃ māṃ dṛṣṭvā tirobhūtā / | | kad pb1.836 | kṛtaṃ hi me kutūhalena praśnāśayā hṛdi padam, yathā ceyamasyāstapasvijanadurlabhadivyarūpāyā api dākṣiṇyātiśayā pratipattirabhijātā vibhāvyate, tathā sambhāvayāmi niyatamiyamakhilamātmodantam abhyarthyamānā kathayiṣyatīti / |
|
| |
|
| |
