•  Pandanus Homepage  •  Database of Plants  •  Publications  •  Sanskrit E-texts  •  Seminar of Indian Studies  •

Context: the preceding and the following line for kādambarī pb1.1407 back to results view  |  new search

Text Name kādambarī Transcribed by students of the Institute of Indian Studies, Faculty of Arts, Charles University, Prague. Proofread by students of the Institute of Indian Studies, Faculty of Arts, Charles University, Prague. Notes ...

kad pb1.1406 kutūhalācca ālokānusāraprahitacakṣuradrākṣīt / kad pb1.1407 analpakanyakākadambaparivṛtāṃ dhriyamāṇadhavalātapatrāmuddhūyamānacāmaradvayāṃ kādambarīpratīhāryā vāmapāṇinā vetralatāgarbheṇārdravastraśakalāvacchannamukhaṃ candanānulepanasanāthaṃ nārikelasamudnakamudvahantyā dakṣiṇakareṇa dattahastāvalambām, keyūrakeṇa ca niśvāsahārye nirmokaśucinī dhaute kalpalatādukūle dadhatā nivedyamānamārgām, mālatīkusumadāmādhiṣṭhitakaralatayā ca tamālikayānugamyamānāmāgacchantīṃ madalekhāṃ tasyāśca samīpe taralikām, tayā ca sitāṃśukopacchade paṭalake gṛhītaṃ dhavalatākāraṇamiva kṣīrodasya, sahabhuvamiva candramasaḥ, mṛṇāladaṇḍamiva nārāyaṇanābhipuṇḍarīkasya, mandarakṣobhavikṣiptamivāmṛtaphenapiṇḍanikaram, vāsukinirmmokamiva manthanaśramojjhitam, hāsamiva śriyaḥ kulagṛhaviyogagalitam, mandaramathanavikhaṇḍitāśeṣaśaśikalākhaṇḍasañcayamiva saṃhṛtam, pratimāgatatārāgaṇamiva jaladhijalāduddhṛtam, diggajakaraśīkarāsāramiva puñjībhūtam, nakṣatramālābharaṇamiva madanadviṣasya, śaranmeghaśakalairiva kalpitam, kādambarīrūpavaśīkṛtamunijanahṛdayairiva nirmitam, gurumiva sarvaratnānām, yaśorāśimivaikatra ghaṭitaṃ sarvasāgarāṇām, pratipakṣamiva candramasaḥ, jīvitamiva jyotsnāyāḥ, lakṣmīhṛdayamiva nalinīdalagalajjalabinduvilāsataralam, utkaṇṭhitamiva mṛṇālavalayadhavalakaram, śaracchaśinamiva ghanamuktāṃśunivahadhavalitadiṅmukham, mandākinīpravāhamiva surayuvatikucaparimalavāhinam, prabhāvarṣiṇamatitāraṃ hāram / kad pb1.1408 dṛṣṭvā cāyamasya candrāpīḍaścandrātapadyutimuṣaḥ dhavalimnaḥ kāraṇamiti manasā niścitya dūrādeva pratyutthānādinā samucitopacārakrameṇa madalekhāmāpatantīṃ pratijagrāha /

back to results view  |  new search

(c) 1998 - 2005 Seminar of Indian Studies, Institute of South and Central Asia, Faculty of Arts, Charles University.