|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.1078 | sa tu māmupasṛtyānanyadṛṣṭiḥ, adṛṣṭapūrvopi pratyabhijānanniva, asaṃstutopi ciraparicita iva, asaṃbhāvitopyupārūḍhaprauḍhapraṇaya iva, asnigdhopi paravāniva premṇā śūnyopi kimapyanusmaranniva, duḥkhitākāropi sukhāyamāna iva, tūṣṇīmapi sthitaḥ prārthayamāna iva, apṛṣṭopyāvedayannivātmīyāmevāvasthām, abhinandannivānuśocanniva hṛṣyanniva viṣīdanniva bibhyadivābhibhavanniva hṛta ivākāṅkṣannivānusmaranniva vismṛtamanimeṣeṇa niścalastabdhapakṣmaṇāntarbāṣpapūrārdreṇa karṇāntacumbinā vikasitenevāmukulitatārakeṇa cakṣuṣā matta ivāviṣṭa iva viyukta iva pibannivākarṣannivāntarviśanniva ca suciramālokyābravīt' / | | kad ub1.1079 | varatanu, sarva eva hi jagati janmano vayasa ākṛtervā sadṛśamācaranna vacanīyatāmeti / | | kad ub1.1080 | tava punarekāntavāmaprakṛtervidheriva visadṛśānuṣṭhāne koyaṃ prayatnaḥ / |
|
| |
|
| |
