|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1000 | apayātāyāñca bhavatyāṃ muhūrttamiva sthitvā ekākī kimayamidānīmācaratīti sañjātavitarkaḥ pratinivṛttya viṭapāntaritavigrahastaṃ pradeśaṃ vyalokayam / | | kad pb1.1001 | yāvattatra taṃ nādrākṣam, āsīcca me manasyevam ?? 'kinnu madanaparāyattacittavṛttistāmevānusaran gato bhavet, gatāyāñca tasyāṃ labdhacetano lajjayā na śakoti me darśanapathamupagantum; āhosvit kupitaḥ parityajya māṃ gataḥ, utānveṣamāṇo māmeva pradeśamanyamitaḥ samāśritaḥ syāt' ityevaṃ vikalpayan kañcitkālamatiṣṭham / | | kad pb1.1002 | tena tu janmanaḥ prabhṛtyanabhyastena tasya kṣaṇamapyadarśanena dūyamānaḥ punaracintayam ?? 'sa kadāciddhairyyaskhalanavilakṣaḥ kiñcidaniṣṭamapi samācaret / |
|
| |
|
| |
