|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1076 | atha taṃ pratyāsannasamudravidrumaprabhāpāṭalitamiva udayagirisiṃhakaratalāhatanijahariṇaśoṇitaśoṇīkṛtamiva ratikalahakupitarohiṇīcaraṇālaktakarasalāñchitamiva abhinavodayarāgalohitaṃ rajanīkaram, uditaṃ vilokya antarjvalitamadanānalāpyandhakāritahṛdayā, taralikotsaṅgavidhṛtaśarīrāpi manmathahastavarttinī, candragatanayanāpi mṛtyumālokayantī / | | kad pb1.1077 | tatkṣaṇamacintayamekatra khalu madhumāsamalayamārutaprabhṛtayaḥ samastāḥ, ekatra cāyaṃ pāpakārī candrahatako na śakyate soḍhum idamatidurviṣāhamadanavedanāturañca me hṛdayam asya codgamanamidaṃ sadāhajvarasya aṅgāravarṣaḥ, śītārttasya tuṣārapātaḥ, viṣasphoṭamūrcchitasya kṛṣṇasarpadaṃśaḥ' ityevaṃ cintayantīmeva candrodayopanītā kamalavanamlāninidreva mūrcchā māṃ nimīlitalocanāmakārṣīt / | | kad pb1.1078 | acireṇa ca sambhrāntataralikopanītābhiścandanacarccābhistālavṛntānilaiścopalabdhasaṃjñā tāmevākulākulāṃ mūrttenevādhiṣṭhitāṃ viṣādena, mallalāṭavidhṛtasravaccandrakāntamaṇiśalākām, avicchinabāṣpajaladhārāndhakāritamukhīṃ rudatīṃ taralikāmapaśyam / |
|
| |
|
| |
