|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1344 | etadākarṇya sphuritakapolodaraścandrāpīḍo mandaṃ mandaṃ vihasyābravīt ?? 'astyeṣā kathā, śrūyata evaitadrājakule karṇaparamparayā, parijano'pyevaṃ mantrayate, bahirapi janāḥ kathayanti, evaṃ digantareṣvapyayamālāpo varttata eva, asmābhirapyetadākarṇitameva, 'yathā kila devyāḥ kādambaryyāstāmbūladāyinīṃ tamālikāṃ kāmayamānaḥ parihāsanāmā śuko madanaparavaśo gatānyapi dināni na vettī'ti / | | kad pb1.1345 | tadayamāstāṃ tāvadvāmācāraḥ, parityaktanijakalatro nistrapayā anayā saha, devyāstu kādambaryyāḥ kathametad yuktaṃ yanna nivārayatīmāṃ capalāṃ duṣṭadāsīm / | | kad pb1.1346 | athavā devyāpi kathitaiva niḥsnehatā prathamameva varākīmimāṃ kālindīmīdṛśāya durvinītāya vihaṅgāya prayacchantyā / |
|
| |
|
| |
