|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.123 | te ca tasmin vanaspatāvativāhyātivāhya niśāmātma nīḍeṣu pratidinamutthāyotthāyāhārānveṣaṇāya nabhasi viracitapaṅktayo madakalahaladharahalamukhotkṣepavikīrṇabahusrotasamambaratale kalindakanyāmiva darśayantaḥ, suragajonmūlitavigaladākāśagaṅgākamalinīśaṅkāmupajanayantaḥ, divasakararathaturagaprabhānulitpamiva gaganatalamupapādayantaḥ, sañcāriṇīmiva marakatasthalīṃ viḍambayantaḥ, śaivalapallavāvalīmivāmbarasarasi prasārayantaḥ, gaganavitataiḥ pakṣapuṭaiḥ kadalīdalairiva dinakarakharakaranikaraparikheditānyāśāmukhāni vījayantaḥ, viyati visāriṇīṃ śaṣpavīthīmivāracayantaḥ, sendrāyudhamivāntarikṣamādadhānā vicaranti sma śukaśakunayaḥ / | | kad pb1.124 | kṛtāhārāśca punaḥ pratinivṛttyātmakulāyāvasthitebhyaḥ śāvakebhyo vividhān phalarasān kalamamañjarīvi kārāṃśca prahatahariṇarudhirānuraktaśārdūlanakhaloṭipāṭalena cañcupuṭena dattvā dattvā adharīkṛtasarvasnehenāsādhāraṇena guruṇā'patyapremṇā tasminneva kroḍāntanihitatanayāḥ kṣapāḥ kṣapayanti sma / | | kad pb1.125 | ekasmiṃśca jīrṇakoṭare jāyayā saha nivasataḥ paścime vayasi varttamānasya kathamapi piturahamevai ko vidhivaśāt sūnurabhavam / |
|
| |
|
| |
