|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.83 | tatrāpya nyajanmopāttasaṃskārānubandhena vā puruṣaprayatnena vā saṃskārātiśaya upajāyata iti nāticitram / | | kad pb1.84 | anyacca, eteṣāmapi purā puruṣāṇāmivātipa risphuṭākṣarā jhaṅkāreṇa, nūpuraravākṛṣṭānāñca dhavalitāsthānamaṇḍapasopānaphalakānāṃ bhavanadīghikākalahaṃsakānāṃ kolāhalena, raśanārasitotsukānāñca tārataravirāviṇāmullikhyamānakāṃsyakeṅkāradīrgheṇa gṛhasārasānāṃ kūjitena, sarabhasapracalitasāmantaśatacaraṇatalābhihatasya cāsthānamaṇḍapasya nirghoṣagambhīreṇa kampayateva vasumatīṃ dhvaninā, praīhāriṇāñca puraḥ sasambhramamutsāritajanānāṃ daṇḍināṃ samārabdhahelamuccairuccārayatāmālokayatālokayateti tārataradīrgheṇa bhavanaprāsādakuñjeṣūccaaritapratiśabdatayā dīrghataratāmupagatenālokaśabdena, rājñāñca samambhramāvarjitamaulilolacūḍāmaṇīnāṃ praṇamatāmamalamaṇiśalākādanturābhiḥ kirīṭakoṭibhirullikhyamānasya maṇikuṭṭimasya niḥsvanena, praṇāmaparyyastānāmatikaṭhinamaṇikuṭṭimanipatanaraṇaraṇāyitānāñca maṇikarṇapūrāṇāṃ ninādena, maṅgalapāṭhakānāñca puroyāyināṃ jayajīveti maṅgalamadhuravacanānuyātena paṭhatāṃ digantavyāpinā kalakalena, pracalitajanacaraṇaśatasaṃkṣobhebhayādapahāyakusumaprakaramutpatatāñca madhulihāṃ huṅkṛtena, saṃkṣobhādatitvaritapadapravṛttairavanipatibhiḥ keyūrakoṭitāḍitānāṃ kvaṇitamukhararatnadāmnāñca maṇistambhānāṃ raṇitena sarvataḥ kṣubhitamiva tadāsthānabhavanamabhavat / | | kad pb1.85 | atha visarjitarājaloko 'viśramyatā'miti svayamevābhidhāya tāṃ cāṇḍālakanyakām, 'vaiśampāyanaḥ praveśyatāmabhyantaram' iti tāmbūlaka raṅkavāhinīmādiśya katipayāptarājaputraparivṛto narapatirabhyantaraṃ prāviśat / |
|
| |
|
| |
