|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.886 | avāpte ca daśame'hani kṛtayathocitasamācāro mahāśveteti yathārthameva nāma kṛtavān / | | kad pb1.887 | sāhaṃ pitṛbhavane bālatayā kalamadhurapralāpinī vīṇeva gandharvāṇāmaṅkādaṅkaṃ sañcarantī aviditasnehaśokāyāsamanoharaṃ śaiśavamatītavatī / | | kad pb1.888 | krameṇa ca kṛtaṃ me vapuṣi vasanta iva madhumāsena, madhumāsa iva navapallavena, navapallava iva kusumena, kusuma iva madhukareṇa, madhukara iva madena, navayauvanena padam / |
|
| |
|
| |
