|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 1.244 | krameṇa cātīte madhyaṃdinasamaye śoṇamavatīrṇāyāṃ sāvitryāṃ snātumutsāritaparijanā sākūtā mālatī kusumaprastaraśāyinīṃ samupasṛtya sarasvatīmābabhāṣe - "devi, vijñapyaṃ naḥ kiṃcidasti rahasi / | | har 1.245 | ato muhūrtamavadhānadānena prasādaṃ kriyamāṇamicchāmi" iti / | | har 1.246 | sarasvatī tu dadhīcasaṃdeśāśaṅkinī kiṃ vakṣyatīti stanavinihitavāmakaranakhakiraṇadanturitamudbhidyamānakutūhalāṅkuranikaramiva hṛdayamuttarīyadukūlavalkalaikadeśena saṃchādayantī, galatāvataṃsapallavena śrotuṃ śravaṇeneva dhāvamānenānavarataśvāsasaṃdohadolāyitāṃ jīvitāśāmiva samāsannalatāmavalambamānā, samutphullasya mukhaśaśino lāvaṇyapravāheṇa śṛṅgāraraseneva plāvayantī jīvalokam, śayanakusumaparimalalagnairmadhukarakadambakairmadanānaladāhaśyāmalairmanorathairiva nirgatya mūrtairutkṣipyamāṇā, kusumaśayanīyātsmaraśarasaṃjvariṇī, mandaṃ mandamudagāt / |
|
| |
|
| |
