|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1501 | tamupetya ca 'devenātra marakataśilāmakarikāpraṇālaprasravaṇasicyamānaharitalatāmaṇḍape śīkariṇi śilātale sthitam, atra gandhodakaparimalalīnālijālajaṭilaśilāpradeśe snātam, atra kusumadhūlisikatile girinadikātaṭe bhagavānarccitaḥ śūlapāṇi, atra hepitaśaśadhararociṣi sphāṭikaśilātale bhuktam, atra saṃkrāntacandanarasalāñchane muktāśailaśilāpaṭṭe suptam' iti parijanena punaruktaṃ nivedyamānāni devasyaiva sthānacihnāni paśyantī kṣapitavatī divasam / | | kad pb1.1502 | divasāvasāne ca kathamapi mahāśvetāprayatnādanabhimatamapi tasminneva sphaṭikamaṇiśilāveśmanyāhāramakarot / | | kad pb1.1503 | astamupagate bhagavati ravau, udite candramasi tatraiva kañcitkālaṃ sthitvā candrakāntamayīva candrodaye pratyārdrīkṛtatanuścandrabimbapraveśabhayeneva karau kapolayoḥ kṛtvā kimapi cintayantī, mukulitekṣaṇā kṣaṇamātraṃ sthitvotthāya vimalanakhanipatitaśaśipratimābharagurūṇīva kṛcchrādutkṣipantī, līlāmantharagamanapaṭūni padāni śayyāgṛhamagāt / |
|
| |
|
| |
