|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 6.208 | pramattānāṃ pramadākṛtāḥ pramādāḥ śrutiviṣayamāgatā eva devasya / | | har 6.209 | yathā madhumoditaṃ madhurakasaṃliptairlājaiḥ suprabhā putrarājyārthaṃ mahāsenaṃ kāśirājaṃ jaghāna / | | har 6.210 | vyājajanitakaṃdarpadarpā ca darpaṇena kṣuradhārāparyantenāyodhyādhipatiṃ paraṃtapaṃ rantavatī jārūthaṃ, viṣacūrṇacumbitamakarandena ca karṇendīvareṇa devakī devarānuraktā devasenaṃ sauhṛyam, yogaparāgavirasavarṣiṇā ca maṇinūpureṇa vallabhā sapatnīruṣā vairantyaṃ rantidevam, veṇīnigūḍhena ca śastreṇa bindumatī vṛṣṇiṃ vidūratham, adṛśyāgadaliptavadanā ca viṣavāruṇīgaṇḍūṣapāyanena pauravī pauraveśvaraṃ somakam /" ityuktvā virarāma svāmyādeśasaṃpādanāya ca nirjagāma / |
|
| |
|
| |
