|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 2.18 | tathābhūte ca tasminnatyugre grīṣmasamaye kadācidasya svagṛhāvasthitasya bhuktavato'parāhṇasamaye bhrātā pāraśavaścandrasenanāmā praviśyākathayat - "eṣa khalu devasya catuḥsamudrādhipateḥ sakalarājacakracūḍāmaṇiśreṇīśāṇakoṇakaṣaṇanirmalīkṛtacaraṇanakhamaṇeḥ sarvacakravartināṃ dhaureyasya mahārājādhirājaparameśvaraśrīharṣadevasya bhrātrā kṛṣṇanāmnā bhavatāmantikaṃ prajñātatamo dīrghādhvagaḥ prahito dvāramadhyāste" iti / | | har 2.19 | so'bravīt - "āyuṣman, avilambitaṃ praveśayainam" iti / | | har 2.20 | atha tenānīyamānam, atidūragamanagurujaḍajaṅgham, kārdamikacelacīrikāniyamitoccaṇḍacaṇḍātakam, pṛṣṭhapreṅkhatpaṭaccarakarpaṭaghaṭitagalitagranthim, atinibiḍasūtrabandhanimnitāntarālakṛtavyavacchedayā lekhamālikayā parikalitamūrdhānam, praviśantaṃ lekhahārakamadrākṣīt / |
|
| |
|
| |
