| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.187 | yatra ca malinatā havirdhūmeṣu na cariteṣu, mukharāgaḥ śukeṣu na kopeṣu, tīkṣṇatā kuśāgreṣu na svabhāveṣu, cañcalatā kadalīdaleṣu na manaḥsu, cakṣūrāgaḥ kokileṣu na parakalatreṣu, kaṇṭhagrahaḥ kamaṇḍaluṣu na surateṣu, mekhalābandho vrateṣu nerṣyākalaheṣu, stanasparśī homadhenuṣu na vanitāsu, pakṣapātaḥ kṛkavākuṣu na vidyāvivādeṣu, bhrāntiranakapradakṣiṇeṣu, na śāstreṣu, vasusaṅkīrttanaṃ divyakathāsu na tṛṣṇāsu, gaṇanā rudrākṣavalayeṣu na śarīreṣu, munibālanāśaḥ kratudīkṣayā na mṛtyunā, rāmānurāgo rāmāyaṇena na yauvanena, mukhabhaṅgavikāro jarayā na dhanābhimānena / | | kad pb1.188 | yatra ca mahābhārate śakunivadhaḥ, purāṇe vāyupralapatim, vayaḥpariṇāme dvijapatanam, upavanacandaneṣu jāḍyam, agnīnāṃ bhūtimattvam, eṇakānāṃ gītaśravaṇavyasanam, śikhaṇḍināṃ nṛtyapakṣapātaḥ, bhujaṅgamānāṃ bhogaḥ, kapīnāṃ śrīphalābhilāṣaḥ, mūlānāmadhogatiḥ / | | kad pb1.189 | jābālyāśramavarṇanam samāptam / |
|
