|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.223 | asau tu tānabravīt ?? 'ayaṃ mayā snātumito gatena kamalinīsarastīratarunīḍapatitaḥ śukaśiśurātapajanitaklāntiruttaprapāṃśupaṭalamadhyagato dūranipatanavihvalatanuralpāvaśeṣāyurāsāditaḥ, tapasvidurārohatā ca tasya vanaspaterna śakyate svanīḍamāropayitumiti jātadayenānītaḥ / | | kad pb1.224 | tadyāvadayamaprarūḍhapakṣatirakṣamo'ntarīkṣamutpatitum, tāvadatraiva kasmiṃścidāśramatarukoṭare munikumārakairasmābhiścopanītena nīvārakaṇanikareṇa vividhaphalarasena ca saṃvarddhyamāno dhārayatu jīvitam / | | kad pb1.225 | anāthaparipālanaṃ hi dharmmo'smadvidhānām / |
|
| |
|
| |
