|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.584 | nirgatya ca rājakuladvārāvasthitam indrāyudhamāruhya tathaiva tena rājaputralokenānugamyamānaḥ śukanāsaṃ draṣṭumayāsīt / | | kad pb1.585 | yāmāvasthitavividhagajaghaṭāsaṅkaṭam, anekaturaṅgasahasrasambādham, aparimitajanasamūhasammarddasaṅkulam, ekadeśopaviṣṭaiḥ sahasraśo nibaddhacakrabālairanekakāryyāgatairdarśanotsukaiḥsamantato vividhaśākhāñjanonmīlitabuddhilocanaiḥ cīvaracchadmanā vinayānurāgibhirdharmmapaṭairivāvaguṇṭhitaiḥ śākyamuniśāsanapathadhaureyaiḥ, raktapaṭaiḥ pāśupatairdvijaiśca divāniśamāsevyamānam, abhyantarapraviṣṭānāñca sāmantānāṃ jaghanopaviṣṭapuruṣotsaṅgasthitadbiguṇitakuthābhiḥ aticirāvasthānanirvedaprasuptādhoraṇābhiraparyyāṇābhiḥ saparyyāṇābhiśca niścalāvasthānapracalāyitābhiḥ śatasahasraśaḥ kariṇībhirākīrṇam, śukanāsagṛhadvāramāsādya, satvarapradhāvitairdvāradeśāvasthitaiḥ pratīhārapuruṣairanivāryyamāṇo'pi rājakula iva rājaputro bāhyāṅgaṇa eva turaṅgāt avatatāra / | | kad pb1.586 | dvāradeśāvasthāpitaturaṅgaśca vaiśampāyanamavalambya puraḥ pradhāvitaiḥ samutsāritaparijanaistatpratīhāramaṇḍalairupadiśyamānamārgaḥ, tathaiva calitamukuṭakoṭibhirnarendravṛndaiḥ sevāsamupasthitairutthāya praṇamyamānaḥ tathaiva ca pracaṇḍapratīhārahuṅkārabhayamūkībhavatparijanāni pracalitavetralatācakitasāmantacakracaraṇaśatacalitavasundharāṇi kakṣāntarāṇi nirīkṣamāṇaḥ, tathaiva ca navanavasudhāvadātaprāsādasahasranirantaraṃ dvitīyamiva rājakulaṃ śukanāsabhavanaṃ viveśa / |
|
| |
|
| |
