|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.728 | nirgatya ca pūrvārūḍhayā patralekhayā adhyāsitāntarāsanām, upapāditaprasthānasamucitamaṅgalyālaṅkārāṃ sasambhramādhoraṇopanītāṃ kareṇukāmāruhya acalarecakacakrīkṛtakṣīrodāvarttapāṇḍureṇa daśavadanabāhudaṇḍāvasthitakailāsakāntinā muktāphalajālinā śataśalākenātapatreṇa nivāyyamāṇātapo nirgantumārebhe / | | kad pb1.729 | nirgacchaṃśca abhyantarāvasthita eva prākārāntaritadarśanānāṃ dvārāvasthitānāṃ pratipālayatāṃ rājñāmunmayūkhānāṃ cūḍāmaṇīnāmalaktakadravadyutimuṣā bahalenālokabālātapena rājyābhiṣekānantaraprasṛtena svapratāpavahninevātyarthaṃ piñjarīkriyamāṇā daśa diśaḥ yauvarājyābhiṣekajanmanā nijānurāgeṇevarajyamānamavanitalam, āsannaripuvināśapiśunena digdāheneva pāṭalīkriyamāṇamambaratalam, abhimukhāgatabhuvanatalalakṣmīcaraṇālaktakaraseneva lohitāyamānātapaṃ divasaṃ dadarśa / | | kad pb1.730 | vinirgataśca sasambhramapracalitagajaghaṭāsahasrairanyonyasaṅghaṭṭajarjaritātapatramaṇḍalairādarāvanatamauliśithila maṇimukuṭapaktibhirāvarjitaratnakarṇapūraiḥ kapolasthalaskhalitaratnakuṇḍalairājñaptasenāpatinirddiśyamānanāmabhiravanibhujāṃ cakrabālaiḥ graṇamyamānaḥ, bahalasindūrareṇupāṭalena kṣititaladolāyamānasthūlamuktākalāpāvacūlena sita kusumamālājālaśabalaśirasā saṃlagnasandhyātapena tiryyagāvarjjitaśvetagaṅgāpravāheṇa tārāgaṇadanturitaśikharaśilātalena merugiriṇeva gandhamādanenānugamyamānaḥ, kanakālaṅkāraprabhāpratānakalmāṣitāvayavena ca dattakuṅkamasthāsakenevākṛṣyamāṇenendrāyudhena sanāthīkṛtapurobhāgaḥ śanaiḥ śanaiḥ prathamameva śātakratavīmāśāmabhipratasthe / |
|
| |
|
| |
