| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| har 8.94 | "vatse" ityatipraṇayaḥ, "mātaḥ" iti cāṭu, "bhagini" ityātmasaṃbhāvanā, "devi" iti parijanālāpaḥ, "rājaputri" ityasphuṭam, "upāsike" iti manorathaḥ, "svāmini" iti bhṛtyabhāvābhyupagamaḥ, "bhadre" itītarastrīsamucitam, "āyuṣmati" ityavasthāyāmapriyam, "kalyāṇini" iti daśāyāṃ viruddham, "candramukhi" ityamunimatam, "bāle" ityagauravopetam, "ārye" iti jarāropaṇam, "puṇyavati" iti phalaviparītam, "bhavati" iti sarvasādhāraṇam / | | har 8.95 | api ca "kāsi" ityanabhijātam, "kimarthaṃ rodiṣi" iti duḥkhakāraṇasmaraṇakāri, "mā rodīḥ" iti śokahetumanapanīya na śobhate, "samāśvasihi" iti kimāśritya, "svāgatam" iti yātayāmam, "sukhamāsyate" iti mithyā / | | har 8.96 | ityevaṃ cintayatyeva mayi tasmātstraiṇādutthāyānyatarā yoṣidāryarūpeva śokaviklavā samupasṛtya katipayapalitaśāraṃ śiro nītvā mahītalamatulahṛdayasaṃtāpasūcakairaśrubindubhiścaraṇayugalaṃ dahantī mamātikṛpaṇairakṣaraiśca hṛdayamabhihitavatī _ "bhagavan, sarvasttvānukampinī prāyaḥ pravrajyā / |
|
