|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.846 | kimataḥ paramāścaryyam, yadatra vyapagatacetanā api sacetanā ivāsyai bhagavatyai samatisṛjantaḥ phalānyātmānugrahamupapādayanti vanaspatayaḥ / | | kad pb1.847 | citramidamālokitamasmābhiradṛṣṭapūrvam' ityadhikataropajātavismayaścotthāya tameva pradeśamindrāyudhamānīya vyapanītaparyyāṇaṃ nātidūre saṃyamya nijharajalanirvarttitasnānavidhistānyamṛtasvādūni upayujya phalāni, pītvā ca tuṣāraśiśiraṃ prasravaṇajalamupaspṛśya caikānte tāvadavatasthe, yāvattayāpi kanyakayā kṛto jalaphalamūlamayeṣvāhāreṣu praṇayaḥ / | | kad pb1.848 | iti parisamāpitāhārāṃ nirvarttitasandhyocitācārāṃ śilātale visrabdhamupaviṣṭāṃ nibhṛtamupasṛtya nātidūre samupaviśya muhūrttamiva sthitvā candrāpīḍaḥ savinayamavādīt ?? 'bhagavati! tvatprasādaprāptiprotsāhitena kutūhalenākulīkriyamāṇo mānuṣatāsulabho laghimā balādanicchantamapi māṃ praśnakarmmaṇi niyojayati / |
|
| |
|
| |
