|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1493 | atha candrāpīḍaḥ 'mahāśvetācaraṇārādhanatapaḥphalamidaṃ yadevaṃ parijane'pyanusmaraṇādikaṃ grasādabhāramatimahāntamāropayati devī kādambarī' ityuktvā tatsarvaṃ śirasi kṛtvā svayameva jagrāha / | | kad pb1.1494 | tena ca kādambaryāḥ kapolalāvaṇyeneva galitena, smitālokeneva rasatāmupanītena, hṛdayeneva druteneva guṇagaṇeneva nisyanditena sparśavatā hlādinā surabhiṇā ca vilepanena vilipya tameva kaṇṭhe hāramakarot / | | kad pb1.1495 | āgṛhītatāmbūlaśca muhūrttādivotthāya vāmabāhunā skandhadeśe samavalambya keyūrakam, ūrdhvasthita eva kṛtayathākriyamāṇasammānamuditaṃ pradhānarājalokaṃ visṛjya śanaiḥ śanairgandhamādanaṃ kariṇaṃ draṣṭumayāsīt / |
|
| |
|
| |
