|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.313 | krameṇaiva saṃjātakaruṇānubandhayeva saṃdhyayāpyupari jalārdrapaṭa iva prasāryamāṇe svarāgapaṭale, niśāgamenāpyevamasya śūnyatāviklavasya mā bhūddarśanamityāpteneva sarvato nīlīparilambamānāyāmiva bhrāmyamāṇāyāṃ tibhiralekhāyām, kamaleṣvapi duḥsahatvācchoṣakāriṇaḥ saṃtāpasya talpakalpanābhīteṣviva saṃkucatsu, kumudeṣvapi śucisvabhāvatayārdrārdreṣu śayanasaṃpādanāyevāhamahamikayoddalatsu, candramasyapi bhagavati samastabhuvanaikātapatre sudhārajatakalaśe pūrvadigvadhūvadanacandanatilake gaganatalalakṣmīlāvaṇyamahāhrade sakalalokāhlādakāriṇi sudhāliptaiḥ karairiva spraṣṭumucchvāsahetunā taṃ jyotsnājalena ca sektumudayagiriśikharamārūḍhe, prauḍhe pradoṣasamaye candrāpīḍastasminneva vallabhodyāne candrātapasparśadarśitaviśadajalalavodbhedahāriṇi candramaṇiśilātale vimucyāṅgāni caraṇasaṃvāhanopasṛtaṃ keyūrakamavādīt' / | | kad ub1.314 | keyūraka kimākalayasi yāvadvayaṃ parāpatāmastāvatprāṇānsaṃdhārayiṣyati devī kādambarī / | | kad ub1.315 | pārayiṣyati vā tāṃ vinodayituṃ madalekhā / |
|
| |
|
| |
