| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.940 | yathā caiṣā vrataviruddhamasya śravaṇasaṃsargamāsāditavatī, tadapi kathayāmi / | | kad pb1.941 | adya caturdaśīti bhagavantamambikāpati kailāsagatamupāsitumamaralokānmayā saha nandanavanasamīpenāyamanusarannirgatya sākṣānmadhumāsalakṣmīdattalalitahastāvalambayā, bakulamālikāmekhalayā, pārijātakusumapallavagrathitābhirājānulambinībhiḥ kaṇṭhamālikābhirnirantarācchāditavigrahayā, navacūtāṅkurakarṇapūrayā, puṣpāsavapānamattayā, nandanavanadevatayā, pārijātakusumamañjarīmimāmādāya praṇamyābhihitaḥ 'bhagavān! sakalatribhuvanadarśanābhirāmāyāstavākṛterasyāḥ susadṛśo'yam alaṅkāraḥ, prasādīkriyatām, iyamavataṃsavilāsadurlalitā samāropyatā śravaṇaśikharam, vrajatu saphalatāṃjanma pārijātasya' ityevamabhidadhānāñcāyamātmarūpastutivāda trapāvanamitalocanaḥ tāmanādṛtyaiva gantuṃ pravṛttaiḥ / | | kad pb1.942 | mayā tu tāmanuyāntīmālokya 'ko doṣaḥ, sakhe! kriyatāmasyāḥ praṇayaparigrahaḥ' ityabhidhāya balādiyamicchato'pyasya karṇapūrīkṛtā / |
|
