|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 4.5 | atha tasmātpuṣpabhūterdvijavarasvecchāgṛhītakoṣo nābhipadma iva puṇḍarīkekṣaṇāt, lakṣmīpuraḥsaro ratnasaṃcaya iva ratnākarāt, gurubudhakavikalāvattejasvibhūnandanaprāyo grahagaṇa ivodayasthānāt, mahābhāravāhanayogyaḥ sāgara iva sagaraprabhāvāt, durjayabalasanātho harivaṃśa iva śūrānnirjagāma rājavaṃśaḥ / | | har 4.6 | yasmādavinaṣṭṅadharmadhavalāḥ prajāsargā iva kṛtamukhāt, pratāpākrāntabhuvanāḥ kiraṇā iva tejonidheḥ, vigrahavyāptadiṅmukhā giraya iva bhūbhṛtprabhavāt, dharaṇidhāraṇakṣamā diggajā iva brahmakarāt, udadhīnpātumudyatā jaladharā iva ghanāgamāt, icchāphaladāyinaḥ kalpatarava iva nandanāt, sarvabhūtāśrayā viśvarūpaprakārā iva śrīdharādajāyanta rājānaḥ / | | har 4.7 | teṣu caivamutpadyamāneṣu krameṇodapādi hūṇahariṇakesarī sindhurājajvaro gurjaraprajāgaro gāndhārādhipagandhadvipakūṭapākalo lāṭapāṭavapāṭaccaro mālavalakṣmīlatāparaśuḥ pratāpaśīla iti prathitāparanāmā prabhākaravardhano nāma rājādhirājaḥ / |
|
| |
|
| |
