|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.816 | pratyagrabhagnaśiśiraiśca samṛṇālakairjalakaṇikācitaiḥ kamalinīpalāśairlatāmaṇḍapaparikṣipte śilātale srastaram āstīryya, nidhāya śīrasi piṇḍīkṛtamuttarīyaṃ niṣasāda / | | kad pb1.817 | muhūrttaṃ viśrāntaśca tasya sarasa uttare tīrapradeśe samuccarantam, unmuktakavalena niścalaśravaṇapuṭena tanmukhībhūtenodgrīveṇendrāyudhena prathamamākarṇitaṃ śrutisubhagaṃ vīṇātantrījhaṅkāramiśramamānuṣaṃ śātaśabdamaśṛṇot / | | kad pb1.818 | śrutvā ca 'kuto'tra vigatamarttyasampāte pradeśe gītadhvaneḥ sambhūtiḥ' iti samupajātakautukaḥ kamalinīdalasrastarāt utthāya tāmeva gītasampātasūcitāṃ diśaṃ cakṣuḥ prāhiṇot / |
|
| |
|
| |
