| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.698 | niyatamiyamālekhyagatāpi calati, pustamayyapi indracālamācarati, utkīrṇāpi vipralabhate, śrutāpyabhisandhatte, cintitāpi vañcayati / | | kad pb1.699 | evaṃvidhayāpi cānayā durācārayā kathamapi daivavaśena parigṛhītāḥ viklavā bhavanti rājānaḥ, sarvāvinayādhiṣṭhānatāñca gacchanti / | | kad pb1.700 | tathāhi, abhiṣekasamaya eva caiṣāṃ maṅgalakalasajalairiva prakṣālyate dākṣiṇyam, agnikāryyadhūmeneva malinīkriyate hṛdayam, purohita kuśāgrasammārjanībhirivāpanīyate kṣāntiḥ, uṣṇīṣapaṭṭabandhenevāvacchādyate jarāgamanasmaraṇam, ātapatramaṇḍalenevāpavāryyate paralokadarśanam, cāmarapavanairivāpahriyate satyavāditā, vetradaṇḍairivotsāryyante guṇāḥ, jayaśabdakalakalairiva tiraskriyante sādhuvādāḥ dhvajapaṭapallavairiva parāmṛśyate yaśaḥ / |
|
