| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1237 | api ca yatra bharttṛvirahavidhurā parihṛtaparapuruṣadarśanā divāniśaṃ nivasati priyasakhī, kathamiva tanmama hṛdayamaparaḥ praviśejjanaḥ? / | | kad pb1.1238 | yatha ca bharttṛvirahavidhurā tīvravratakarṣitāṅgī priyasakhī, mahatkṛcchramanubhavati, tatrāhamavigaṇayyaitad kathamātmasukhārthinīṃ pāṇiṃ grāhayiṣyāmi? kathaṃ vā mama sukhaṃ bhaviṣyati? / | | kad pb1.1239 | tvatpremṇā cāsmin vastuni mayā kumārikājanaviruddhaṃ svātantryamālambyāṅgīkṛtamayaśaḥ, samavadhīrito vinayaḥ, guruvacanamatikrāntam, na gaṇito lokāpavādaḥ, vanitājanasya sahajamābharaṇamutsṛṣṭā lajjā, sa kathaya kathamiva punaratra pravarttate? tadayamañjaliruparacitaḥ, praṇāmo'yam, idañca pādagrahaṇam, anugṛhāṇa mām, vanamito gatāsi me jīvitena saheti mā kṛthāḥ svapne'pi punarimamarthaṃ manasi ityabhidhāya tūṣṇīmabhūt / |
|
