| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1307 | yato dṛṣṭavaivemam ahamiva tvamapi nirmāṇakauśalaṃ prajāpateḥ, niḥsapatnatāñca rūpasya, sthānābhiniveśitvañca lakṣmyāḥ, sadbharttṛtāsukhañca pṛthivyāḥ, suralokātiriktatāñca marttyalokasya, saphalatāñca mānuṣīlocanānām, ekasthānasamāgamañca sarvakalānām, aiśvaryyañca saubhāgyasya, agrāmyatāñca manuṣyāṇāṃ jñāsyasīti balādānīto'yam / | | kad pb1.1308 | kathitā cāsya mayā bahuprakāraṃ priyasakhī / | | kad pb1.1309 | tadapūrvadarśano'yamiti vimucya lajjām, anupajātaparicaya ityutsṛjya aviśrambhatām, avijñātaśīla ityapahāya śaṅkām, yathā mayi tathātrāpi vattiṃtavyam / |
|
