| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| har 5.247 | tataḥ śuceva muktakaṇṭhamāraṭatsu kukavākukuleṣu, gṛhagiritaruśikharebhyaḥ pātayatsvātmānaṃ mandiramayūreṣu parityaktanivāseṣu ca vanāya prasthiteṣu pantraratheṣu sayastanūbhūte tāmyati tamasi manībhūtātmasneheṣvabhāvamabhilaṣatsu pradīpeṣu, sphuradaruṇavalkalaprāvṛtavapuṣi pravrajyāmiva pratipanne nabhasi, prabhātasamayena samuttīryamāṇāsu pārthivāsthiśakalakalāsviva kalaviṅkakaṃdharādhūsarāsu tārakāsu, bhūbhṛddhātugarbhakumbhadhāriṣu vividhasaraḥsarittīrthābhimukheṣu prasthiteṣu vanakarikuleṣu, śāvaśucisikthapaṭalapāṇḍure, piṇḍa i vāparapayonidhipulinaparisare, pātyamāne śaśini, krameṇa nṛpacitānaladhūmavisaradhūsarīkṛtatejasīva, narapatiśokapāvakadāhakiṇakalaṅkakālīkṛtacetasīva, proṣitatsamastāntaḥpurapuraṃdhramukhacandravṛndodvegavidrāṇavapuṣīva, prathamāstamitarohiṇīraṇaraṇakavimanasīva cāstamupagate rajanikare, rājatīva deve divamārūḍhe savitari, parivṛtte rājya iva rajanīprabandhe, prabuddharājahaṃsamaṇḍalaprabodhyamānaḥ paṅkajākara iva cacāla devo harṣaḥ / | | har 5.248 | tataśca nūpuraravavirāmamūkamandamandirahaṃseṣu, śokākulakatipayakañcukimātrāvaśeṣeṣu śuddhānteṣu, patitayūthapa iva vanagajayūthe, kakṣyāntaravartini pitṛparijane, viṣādinyuparirudanniṣādini ca stambhaniṣaṇṇe, niṣpandamande rājakuñjare, mandurāpālakākrandakathite cājirabhāji, rājavājini viśrāntajayaśabdakalakale ca śūnye ca mahāsthānamaṇḍape dahyamānadṛṣṭirnirjagāma rājakulāt / | | har 5.249 | agācca sarasvatītīraṃ tasyāṃ snātvā pitre dadāvudakam / |
|
