| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1607 | prayatnato'pi cāsyo niḥśeṣaṃ jvalatā madanānaleneva dagdhā, pravahatā nayanodakenevoḍhā, praviśadbhirduḥkhairivākrāntā, patadbhiḥ kusumacāpaśarairiva śakalīkṛtā, niṣpatadbhirniśvasitairiva nirvāsitā, hṛdayavattibhiścintāśatairiva vidhṛtā, niśvāsapāyibhiḥ madhukarakulairiva nipītā, na prāvarttata vāṇī / | | kad pb1.1608 | kevalaṃ duḥkhasahasragaṇanāya muktākṣamālikāmiva kalpayantī galadbhiraspṛṣṭakapolasthalaiḥ śucibhiradhomukhī nayanajalabindubhirduddinamadarśayat / | | kad pb1.1609 | tadā ca tasyāḥ sakāśādaśikṣateva lajjāpi lajjālīlām, vinayo'pi vinayātiśayam, mugdhatāpi mugdhatām, vaidagdhyamapi vaidagdhyam, bhayamapi bhīrutām, vibhramo'pi vibhramitām, viṣādo'pi viṣāditām, vilāso'pi vilāsam / |
|
