|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.486 | 'kiṃ śīghramete yāsyanti na vetyantarā vā gacchatāṃ parilamba utpatsyate na veti kiyadbhirvā divasaiḥ parāpatiṣyanti', ityanayaiva cintayā śūnyahṛdayaḥ kṣāṇamiva sthitvā skandhāvāravārtāsphuṭīkaraṇāya vārtāharaṃ visarjya bahudivasāntaritadarśanasya vaiśampāyanasya vaiśampāyanasya pratyudgamanāyātmānaṃ mocayituṃ pituḥ pādamūlamagāt / | | kad ub1.487 | tatra cobhayataḥ sasaṃbhramāpasṛtapratīhāramaṇḍalavitīrṇavistīrṇālokanamārgo dūrādevāpasavyajānukaratalāvalambitavimalamaṇikuṭṭimodarasaṃkrāntapratimo dviguṇāyāmānāyatakuntalakalāpaḥ pituḥ praṇāmamakarot / | | kad ub1.488 | atha tārāpīḍastathā dūrata eva kṛtapraṇāmaṃ candrāpīḍamālokya nirbharasnehagarbheṇa salilabharamaṃthareṇeva jaladharadhvaninā svareṇa sadhīramehyehītyāhūya sasaṃbhramapradhāvitamapi saṃbhāvitaśukanāsapraṇāmamupasṛtya pārśve bhūmāvupaviśantamākṛṣya haṭhātpādapīṭhe samupaveśyāparisamāptāvalokanaspṛheṇa cakṣuṣā suciramālokyāsyopārūḍhayauvanabharābhirāmatarāṇyaṅgapratyaṅgāni pāṇinā spṛṣṭvā darśayañśukanāsamavādīt' / |
|
| |
|
| |
