 |
|
| Context: the preceding and the following line for kādambarī ub1.488 | back to results view | new search |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
| kad ub1.487 | tatra cobhayataḥ sasaṃbhramāpasṛtapratīhāramaṇḍalavitīrṇavistīrṇālokanamārgo dūrādevāpasavyajānukaratalāvalambitavimalamaṇikuṭṭimodarasaṃkrāntapratimo dviguṇāyāmānāyatakuntalakalāpaḥ pituḥ praṇāmamakarot / |
| kad ub1.488 | atha tārāpīḍastathā dūrata eva kṛtapraṇāmaṃ candrāpīḍamālokya nirbharasnehagarbheṇa salilabharamaṃthareṇeva jaladharadhvaninā svareṇa sadhīramehyehītyāhūya sasaṃbhramapradhāvitamapi saṃbhāvitaśukanāsapraṇāmamupasṛtya pārśve bhūmāvupaviśantamākṛṣya haṭhātpādapīṭhe samupaveśyāparisamāptāvalokanaspṛheṇa cakṣuṣā suciramālokyāsyopārūḍhayauvanabharābhirāmatarāṇyaṅgapratyaṅgāni pāṇinā spṛṣṭvā darśayañśukanāsamavādīt' / |
| kad ub1.489 | śukanāsa, paśyeyamāyuṣmataścandrāpīḍasyotsarpiṇī mahānīlamaṇiprabheva kanakaśikhariṇaḥ, gaṇḍamaṇḍalodbhāsinī madalekheva gandhadvipasya, upahitakāntipatiparabhāgā lakṣmacchāyeva candramasaḥ, vikāsaśobhāpekṣiṇī madhukarāvalīva kamalākarasya, rūpālekhyonmīlanakālāñjanavartikā, tāruṇyabharajaladharottānaśyāmikā, ujjvalatkandarpapradīpakajjalaśikhā, sphuratpratāpānaladhūmarājī, makaradhvajopavanatamālavallī, manobhavavikāradoṣārambhabālatimirodgatiḥ, udvāhamaṅgalabhrūsaṃjñā śmaśrurājilekhā samaṃtātsamudbhinnā / |
| back to results view | new search |