| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.707 | darśanapradānamapi anagrahaṃ gaṇayanti, dṛṣṭipātamapyupakārapakṣe sthāpayanti, sambhāṣaṇamapi saṃvibhāgamadhye kurvanti, ājñāmapi varapradānaṃ manyante, sparśamapi pāvanamākalayanti / | | kad pb1.708 | mithyāmāhātmyagarvanirbharāśca na praṇamanti devatābhyaḥ, na pūjayanti dvijātīn, na mānayanti mānyān, nārccayantyarccanīyān, nābhivādayantyabhivādanārhān, nābhyuttiṣṭhanti gurūn / | | kad pb1.709 | anarthakāyāsāntaritaviṣayopabhogasukhamityupahasanti vidvajjanam, jarāvaiklavyapralapitamiti paśyanti vṛddhajanopadeśam, ātmaprajñāparibhava ityasūyanti sacivopadeśāya, kupyanti hitavādine / |
|
