|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.808 | niyatañcāsyaiva darśanatṛṣṇayā na parityajati bhagavān kailāsanivāsavyasanamumāpatiḥ / | | kad pb1.809 | na khalu sāmpratamācarati jalaśayanadohadaṃ devaḥ rathāṅgapāṇiḥ, yadidamamṛtarasasurabhisalilamapahāya lavaṇarasaparuṣapayasyudanvati svapiti / | | kad pb1.810 | nūnañcedaṃ na prathamamāsīt saraḥ, yenapralayavarāhaghoṇābhighātabhītābhūtadhātrī kalasayonipānaparikalitasakalasalilaṃ sāgaramavatīrṇā, anyathā yadyatrāgādhapātālagambhīrāmbhasi nimagnā bhavenmahāsarasi, kimekena, mahāvarāhasahasrairapi nāsāditā bhavet / |
|
| |
|
| |
