|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.329 | atha tasyāstāmbūlakaraṅkavāhinī satatapratyāsannā makarikā nāma rājānamuvāca ?? 'deva! kuto devādalpamapi pariskhalitam? abhimukhe ca deve kā śaktiḥ parijanasyānyasya vā kasyacidaparāddham? kintu 'mahāgrahagrasteva viphalanarendrasamāgamāsmi' ityayamasyā devyāḥ ?? santāpaḥ sumahāṃśca kālaḥ santapyamānāyāḥ / | | kad pb1.330 | prathamamapi svāminī dānavaśrīriva satataninditasuratā śayanāsanasnānabhojanabhūṣaṇaparigrahādiṣu samuciteṣvapi divasavyāpāreṣu kathaṃ kathamapi parijanaprayatnāt pravarttamānā saśokevāsīt, devahṛdayapīḍāparijihīrṣayā ca na darśitavatī vikāram / | | kad pb1.331 | adya tucaturddaśīti bhagavantaṃ mahākālamarccitumito gatayā tatra mahābhārate vācyamāne śrutam ?? 'aputrāṇāṃ kila na santi lokāḥ śubhāḥ, punnāmno narakāttrāyata iti putraḥ'ityetacchrutvā bhavanamāgatya parijanena saśiraḥpraṇāmamabhyarthyamānāpi nāhāramabhinandati, na bhūṣaṇaparigrahamācarati, nottaraṃ pratipadyate, kevalamaviralabāṣpadurdināndhakāritamukhī roditi / |
|
| |
|
| |
