|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.333 | viratavacanāyāṃ tasyāṃ bhūmipālastūṣṇīṃ muhūrttamiva sthitvā dīrghamuṣṇañca niśvasya nijagāda ?? 'devi! kimatra kriyatāṃ daivāyatte vastuni, alamatiruditena, na vayamanugrāhyāḥ prāyo devatānām, ātmajapariṣvaṅgāmṛtāsvādasukhasya nūnamabhājanamasmākaṃ hṛdayam, anyasmin janmani na kṛtamavadātaṃ karmma, janmāntarakṛṃtaṃ hi karmma phalamupanayati puruṣasyeha janmani, na hi śakyaṃ daivamanyathā karttumabhiyuktenāpi / | | kad pb1.334 | yāvattu mānuṣyake śakyamupapādayituṃ tāvat sarvamupapādyatām, adhikāṃ kuru devi! guruṣu bhaktim, dviguṇāmupapādaya devatāsu pūjām, ṛṣijanasaparyyāsu darśitādarā bhava, paraṃ hi daivatamṛṣayo yatnenārādhitā yathāsamīhitaphalānāmati durlabhānāmapi varāṇāṃ dātāro bhavanti / | | kad pb1.335 | śrūyate hi purā caṇḍakauśikaprasādāt magadheṣu bṛhadratho nāma rājā janārddanasya jetāram atulabhujabalamapratirathaṃ jarāsandhaṃ nāma tanayaṃ lebhe / |
|
| |
|
| |
